×

പ്രസവശേഷം ശരീരസൗന്ദര്യം നിലനിർത്താൻ 5 ടിപ്പുകൾ (5 Tips To Get Your Pre-Baby Body Back)

പ്രസവത്തിനു ശേഷം സ്ത്രീകളെ അലട്ടുന്ന കാര്യങ്ങളിൽ ഒന്നാണ് ശരീരഭാരം സംബന്ധിച്ച പ്രശ്നങ്ങൾ. ഗർഭകാലത്ത് വർദ്ധിച്ച ഭാരം എങ്ങനെ കുറയ്ക്കാമെന്ന് ആലോചിച്ച് തലപുകയ്ക്കുന്നവരായിരിക്കും ഏറെയും. ഈ സമയത്ത് ഏതാനും കിലോ ഗ്രാം മാത്രം ഭാരം കൂടിയവർ ഭാഗ്യമുള്ളവരാണ്. എന്നാൽ, വളരെയധികം ഭാരം കൂടിയവർ തങ്ങളുടെ ശാരീരിക പ്രതിച്ഛായയെ ഓർത്ത് വിഷമിക്കുകയും അമിതഭാരത്തോട് പടപൊരുതാൻ തീരുമാനിക്കുകയും ചെയ്യും. എന്നാൽ, ഇത് ലോകാവസാനമാണെന്ന് ഓർത്ത് വിഷമിക്കേണ്ട കാര്യമില്ല! സ്ഥിരോത്സാഹവും മന:ശക്തിയും പ്രദർശിപ്പിച്ചാൽ നിങ്ങൾക്ക് ഭാരം കുറയ്ക്കാൻ സാധിക്കും. അതെങ്ങനെയെന്ന് അറിയേണ്ടെ?

എഴുന്നേൽക്കുക, നടക്കുക (Get up and move)

അതെ, നിങ്ങൾ ക്ഷീണിതയാണെന്നും ഉറക്കത്തിന് തടസ്സം നേരിടുന്നുവെന്നും പ്രസവ ശേഷമുള്ള മാനസിക സമ്മർദത്താൽ അസ്വസ്ഥയാണെന്നും ഞങ്ങൾക്ക് അറിയാം. നിങ്ങൾ ചെയ്യേണ്ടത് ഇത്ര മാത്രം, വ്യായാമം ആരംഭിക്കുക. എന്നാൽ, പ്രസവം കഴിഞ്ഞ് ആറ് ആഴ്ച പൂർത്തിയായതിനു ശേഷം മാത്രമേ വ്യായാമം ആരംഭിക്കാവൂ. തുടക്കത്തിൽ, വളരെ കുറച്ചു ദൂരം നടക്കാം. പൊതുവെ സജീവമായി നിലകൊള്ളുന്നത് ശരീരത്തിൽ എൻഡോർഫിനുകൾ ഉത്പാദിപ്പിക്കുന്നതിനും ശരീരഭാരം ഏതാനും കിലോ ഗ്രാം കുറയുന്നതിനും സഹായകമാവും. ദിവസവും ഹ്രസ്വദൂരം നടക്കുന്നത് സുഖപ്രദമായി അനുഭവപ്പെട്ടു തുടങ്ങിയ ശേഷം പതുക്കെ വേഗതയും സമയവും വർദ്ധിപ്പിക്കാം.

5 Tips to Get Your Pre-baby Body Back

ഭാരം ഉയർത്തി ശക്തിയാർജിക്കാം (Lift weights to build strength)

നിങ്ങൾക്ക് വീട്ടുജോലികൾക്കു പുറമെ ഇപ്പോൾ ഒരു കുഞ്ഞിന്റെ കാര്യം കൂടി നോക്കേണ്ടതുണ്ട്.  അതിലുപരി, നിങ്ങൾ ഉദ്യോഗസ്ഥയായ വീട്ടമ്മയാണെങ്കിൽ ജോലിഭാരം വീണ്ടും വർധിക്കും. ഇതിനെല്ലാം നിങ്ങൾ കൂടുതൽ ശക്തയാവേണ്ടിയിരിക്കുന്നു. ആഴ്ചയിൽ മൂന്നോ നാലോ തവണ മിതമായ രീതിയിൽ ഭാരം എടുക്കുന്നത് (വെയ്റ്റ് ലിഫ്റ്റ്) വയറിലെ മാംസ മടക്കുകൾ ഇല്ലാതാക്കുന്നതിനും പേശികൾ ശക്തിപ്പെടുത്തുന്നതിനും വണ്ണം കുറയ്ക്കുന്നതിനും സഹായകമാവും. ഇത് നിങ്ങളുടെ കായികക്ഷമതയും ശക്തിയും വർധിപ്പിക്കുന്നതിനു സഹായിക്കും.

5 Tips to Get Your Pre-baby Body Back

വിവേകത്തോടെ വേണം ഭക്ഷണം (Watch what you eat)

നിങ്ങൾ വിവേകമതിയായി വേണം ഭക്ഷണത്തെ സമീപിക്കേണ്ടത്. മുലയൂട്ടുന്നുണ്ട് എന്നു കരുതി കിട്ടുന്നതെന്തും വെട്ടിവിഴുങ്ങാനുള്ള ലൈസൻസ് നിങ്ങൾക്കില്ല. പിസ, ബർഗർ, വറുത്ത ആഹാരസാധനങ്ങൾ, മധുരപലഹാരങ്ങൾ എന്നിവ ശരീരഭാരം കൂട്ടുമെന്നതിനാൽ അവയുടെ ഉപഭോഗം നിയന്ത്രിക്കുക. ആരോഗ്യദായകങ്ങളായ പാൽ ഉത്പന്നങ്ങൾ, പഴങ്ങൾ, പച്ചക്കറികൾ, തവിടുകളയാത്ത ധാന്യങ്ങൾ എന്നിവ ആ‍ാഹാരത്തിൽ ഉൾപ്പെടുത്തുക. ഓരോ രണ്ടു മണിക്കൂർ കൂടുമ്പോഴും ഭക്ഷണം കഴിക്കുക. ഭക്ഷണക്രമത്തിൽ ആവശ്യത്തിനുള്ള പാനീയങ്ങൾ ഉൾപ്പെടുത്തിയിട്ടുണ്ട് എന്ന് ഉറപ്പുവരുത്തുക. ഇത്തരത്തിൽ, വകതിരിവോടെ ഭക്ഷണത്തെ സമീപിച്ചാൽ ഏതൊരു വ്യായാമത്തെക്കാളും പ്രത്യക്ഷ ഫലങ്ങൾ നിങ്ങളിലുണ്ടാവും.

5 Tips to Get Your Pre-baby Body Back

ആവശ്യത്തിന് വിശ്രമിക്കുക (Rest adequately)

തളർന്നവരും പരവശരുമായ അമ്മമാർക്ക് ഭാരം കുറയ്ക്കുന്നതിനായി പ്രത്യേക പരിശ്രമമൊന്നും നടത്താൻ കഴിഞ്ഞെന്നുവരില്ല. നിങ്ങൾ ശരീരത്തിന് ആവശ്യമുള്ള വിശ്രമം നൽകിയാൽ മാത്രമേ വേഗം പഴയനിലയിൽ എത്തുന്നതിനും ഭാരം കുറയ്ക്കുന്നതിനുള്ള ശ്രമം വേഗത്തിലാക്കുന്നതിനും കഴിയുകയുള്ളൂ. കുഞ്ഞിനെ പരിപാലിക്കുന്നതിന് ആരുടെയെങ്കിലും സഹായം തേടിയശേഷം നന്നായി ഉറങ്ങുക. കുറച്ചു സമയം മാത്രം നീണ്ടുനിൽക്കുന്ന പകലുറക്കങ്ങൾ പോലും നിങ്ങളുടെ മനോനിലയിൽ കാര്യമായ വ്യത്യാസത്തിനു കാരണമാവും. ഉറക്കം അനാവശ്യമായ വിശപ്പിനെ ഒഴിവാക്കാൻ സഹായിക്കുമെന്നും ഓർക്കുക.

5 Tips to Get Your Pre-baby Body Back

വ്യായാമങ്ങൾ വ്യത്യസ്ത രീതികളിൽ (Vary your workouts)

എല്ലാ സ്ത്രീകൾക്കും ഭാരം ഉയർത്തുന്ന തരത്തിലുള്ള വ്യായാമങ്ങൾ ചെയ്യാൻ കഴിഞ്ഞില്ല എന്നുവരാം. എന്നാൽ, ഇവിടെ നിരാശരാവേണ്ട കാര്യമില്ല. യോഗ, നീന്തൽ, ലഘുവായ സൈക്ളിംഗ് തുടങ്ങിയ ഫലപ്രദങ്ങളായ വ്യായാമങ്ങൾ ചെയ്യാവുന്നതാണ്. ഇവ സന്ധികൾക്ക് അയവു നൽകാനും സഹായകമാവും. ഒരു കാര്യം പ്രത്യേകം ഓർമ്മിക്കുക, ഓട്ടം, എയ്‌റോബിക്സ് തുടങ്ങിയ കടുപ്പമുള്ള വ്യായാമങ്ങളിൽ ഏർപ്പെടുന്നത് നല്ലതാണെങ്കിലും അതിനു മുമ്പ് ഡോക്ടറുടെ അനുവാദം വാങ്ങിയിരിക്കണം.

ക്രമമായും ചിട്ടയോടും കൂടി മുകളിൽ പറഞ്ഞിരിക്കുന്ന ചുവടുകൾ പിന്തുടരുകയാണെങ്കിൽ ഗർഭിണിയായിരിക്കുന്ന സമയത്ത് വർദ്ധിച്ച ഭാരം കുറയ്ക്കാനാവും.

5 Tips to Get Your Pre-baby Body Back

ഓർക്കുക, എല്ലാം ഒരു ദിവസംകൊണ്ട് സംഭവിക്കില്ല!

നിങ്ങൾക്ക് ഒൻപത് മാസം കൊണ്ടാണ് ഇത്രയും ഭാരം വർദ്ധിച്ചത് എന്ന കാര്യം മറക്കരുത്. അതിനാൽ, അത് കുറയ്ക്കുന്നതിനും സമയമെടുക്കും എന്ന കാര്യം അവഗണിക്കരുത്. ആരോഗ്യത്തോടെയിരിക്കുക, അതിലുപരി കുഞ്ഞിനൊപ്പമുള്ള പുതിയ ജീവിതം ആസ്വദിക്കുക. മാനസിക സംഘർഷം ഒഴിവാക്കുക, അത് മറ്റ് സങ്കീർണതകൾക്ക് വഴിതെളിക്കും.

Consult a top Dietitian/Nutritionist

Copyright © 2017 Modasta. All rights reserved

അവലംബം

0
Email this to someoneShare on LinkedInTweet about this on TwitterShare on Google+Share on Facebook
  • http://www.fitpregnancy.com/exercise/postnatal-workouts/8-steps-easing-back-fitness-routine-after-birth
  • http://www.fitpregnancy.com/nutrition/postnatal-nutrition/getting-shape-after-baby-or-not
  • http://www.webmd.com/parenting/baby/features/get-your-body-back-after-pregnancy

അനുബന്ധ ലേഖനങ്ങൾ

ഈ വിഭാഗത്തിൽ നിന്ന് കൂടുതൽ